Fréttir

Styrkir

Um Ríkismennt

Tenglar

Veftré

Umsóknareyðublöð á netinu

Fréttir - 31. maí 2010

Ársskýrsla Ríkismenntar 2009

Þá hefur árið 2009 verið gert upp af stjórn Ríkismenntar. Staða sjóðsins er sérlega sterk fjárhagslega og er fjöldi afgreiddra verkefna á ári nokkuð stöðugur.

Óhætt er að hvetja stofnanir ríkisins á landsbyggðinni til þess að nýta sér sjóðinn ...

Fréttir - 19. maí 2010

Fræðslumiðstöð atvinnulífsins þjónar vinnumarkaðnum öllum

Á aðalfundi Fræðslumiðstöðvar atvinnulífsins (FA) þann 6. maí var samþykkt að BSRB, Samband íslenskra sveitarfélaga og fjármálaráðuneytið verði aðilar að félaginu, auk Alþýðusambands Íslands og Samtaka atvinnulífsins.

http://www.frae.is/frettir/nr/327/ ...

31. maí 2010 15:05

Ársskýrsla Ríkismenntar 2009

Ársskýrslan á heimasíðu Ríkismenntar

Þá hefur árið 2009 verið gert upp af stjórn Ríkismenntar. Staða sjóðsins er sérlega sterk fjárhagslega og er fjöldi afgreiddra verkefna á ári nokkuð stöðugur.

Óhætt er að hvetja stofnanir ríkisins á landsbyggðinni til þess að nýta sér sjóðinn enn betur en hingað til og fara markvisst í það að skipuleggja sí-og endurmenntun starfsmanna sinna.

Rétt er að geta þess að Ríkismennt hefur frá upphafi greitt 100% af kostnaði við námskeið vegna þátttöku þeirra starfsmanna ríkisins sem eru félagsmenn stéttarfélaga innan Starfsgreinasambands Íslands.

Sjá ársskýrslu Ríkismenntar hér.

19. maí 2010 14:19

Fræðslumiðstöð atvinnulífsins þjónar vinnumarkaðnum öllum

Breyting á samþykktum Fræðslumiðstöðvar

Á aðalfundi Fræðslumiðstöðvar atvinnulífsins (FA) þann 6. maí var samþykkt að BSRB, Samband íslenskra sveitarfélaga og fjármálaráðuneytið verði aðilar að félaginu, auk Alþýðusambands Íslands og Samtaka atvinnulífsins.

http://www.frae.is/frettir/nr/327/

meira...

4. maí 2010 13:00

Skólaslit Grunnmenntaskólans á Sauðárkróki

12 nemendur útskrifaðir í Skagafirði

Í síðasta mánuði voru 12 nemendur útskrifaðir úr Grunnmenntaskólanum frá Farskólanum, miðstöð símenntunar á Norðurlandi vestra.

Grunnmenntaskólinn er 300 kest nám sem er niðurgreitt af Fræðslumiðstöð atvinnulífsins og styrkt af Ríkismennt. Helstu námsgreinar eru: sjálfsstyrking, íslenska, enska, stærðfræði, framkoma og ræðumennska, þjónusta og tölvugreinar.

Námið er metið til allt að 24 framhaldsskólaeininga og er ætlað þeim eru 20 ára og eldri.

meira...

7. apríl 2010 12:46

Útskrift úr Fagnámskeiði á Snæfellsnesi

Fagnámskeið fyrir starfsmenn í heilbrigðis- og félagsþjónustu

Í síðasta mánuði voru útskrifaðar 15 konur úr námskeiðinu

,,Fagnámskeið fyrir starfsmenn í heilbrigðis- og félagsþjónustu" í Átthagastofu í Snæfellsbæ.

Konurnar sem sátu námskeiðið starfa m.a. á dvalarheimilinu Fellaskjóli í Grundarfirði, dvalarheimlinu Jaðri í Ólafsvík, St. Fransiskuspítalanum í Stykkishólmi og ein kvennanna starfar sem dagmóðir og við liðveislu fatlaðra.

Skipst var á að halda námskeiðið í Fjölbrautaskóla Snæfellinga og í Átthagastofu Snæfellsbæjar.

Helstu námsþættir á námskeiðinu voru sjálfstyrking, samskipti, þjónusta, skyndihjálp, siðfræði, líkamsbeiting og vinnuaðstaða, næring aldraðra, nudd og jóga.

meira...

18. febrúar 2010 14:32

Menntasetrið á Þórshöfn öðrum til fyrirmyndar

Það er ánægjulegt þegar vel tekst til með tilraunaverkefni eins og Menntasetrið á Þórshöfn.

Þekkingarsetur Þingeyinga og Framhaldsskólinn á Laugum að standa að setrinu á Þórshöfn en samkvæmt frétt á Vísi segir menntamálaráherra að líta meigi til þessarar einingar sem fyrirmynd fyrir fleiri slíkar á landsbyggðinni.

Sjá frétt hér; http://www.visir.is/article/201019064774

17. desember 2009 16:08

Útskrift nemenda úr Grunnmenntaskólanum í Vestmannaeyjum

Það var í byrjun febrúar 2009 að ellefu manns settust á skólabekk í kennslustofu Visku í húsnæði Framhaldsskólans í Vestmannaeyjum með það fyrir augum að auka færni sína í námi eða öllu heldur að læra að læra upp á nýtt eins og einhver þeirra sagði.

Þetta var í fyrsta sinn að Viska bauð upp á þessa námsleið en viðtökurnar voru góðar og nokkuð ljóst að verið var að svara ákveðinni þörf fyrir nám með nýjum leiðum. Í náminu er lögð áhersla á að námsmenn læri að læra, efli sjálfstraust sitt og lífsleikni. Innihald námsins er sjálfsstyrking og samskipti, námstækni, framsögn, íslenska, tölvur, enska, stærðfræði, verkefnavinna, þjónusta, náms- og starfsráðgjöf, færnimappa og mat á námi og skólastarfi.

Ríkismennt óskar nemendum til hamingju með áfangann og vonar að þetta verði byrjunin á einhverju meiru fyrir hópinn.

10. desember 2009 13:25

Fræðslusjóðir kynntir á Húsavík

Kynning á Ríkismennt, Landsmennt og Sveitamennt

Þriðjudaginn 8. desember sl. stóð Framsýn Stéttarfélag fyrir kynningu á möguleikum fyrirtækja, stofnana og sveitarfélaga á styrkjum til starfsmenntunar. Kristín Njálsdóttir forstöðumaður Ríkismenntar, Sveitamenntar og Landsmenntar gerði fundarmönnum grein fyrir úthlutunarreglum og starfsreglum sjóðanna. Boðið var upp á hangikjöt og meðlæti. Fundurinn tókst afar vel og mættu á fjórða tug manna á fundinn.

4. desember 2009 11:57

Verkalýðsfélag Snæfellinga opnar nýja heimasíðu

Verkalýðsfélag Snæfellinga hefur opnað nýja heimasíðu á vefslóðinni www.verks.is

Verkalýðsfélag Snæfellinga varð formlega til 15. október 2008, við sameiningu félaganna þriggja á Snæfellsnesi, þ.e. Verkalýðsfélag Stykkishólms, Stjarnan í Grundarfirði og Verkalýðs-og sjómannafélag Snæfellsbæjar.

Til hamingju með nýja heimasíðu.